ఈడూరి శ్రీనివాస్ //వానలు//

ఒక వాన
బోసిగా నవ్వుతుంది
చంటిపిల్లాడిలా

ఒక వాన
ఇలా వచ్చి అలా మాయమౌతుంది
నెలసరి జీతంలా....

ఒక వాన
రోజంతా కురుస్తూనె ఉంటుంది
టీవీ సీరియల్లా........

ఒక వాన
తడిపి ముద్దచేస్తుంది
తల్లి ప్రేమలా.......

ఒక వాన
వెచ్చని ఊహల్నిస్తుంది
కొత్త పెళ్ళికూతుర్లా

ఒక వాన
భళ్ళున కురుస్తుంది
చెలి భావోద్వేగంలా

ఒక వాన
పోటెత్తుతుంది
రగిలిన సామాన్యుని గుండెలా

ఒక వాన
ఉప్పెనై వెంటాడుతుంది
ప్రళయకాల రుద్రునిలా......

పేరంటం

ఒక్కో ఆకూ తీరిగ్గా మొహాలు కడుక్కొని తయారై .. 

పేరంటం కి వచ్చినట్టు ఉంది ..

 పిలిచింది వర్షం కదా మరి ..!!

                  --సాయి పద్మ