Monday, September 2, 2013

ఐస్ ముక్కల వానోస్తోంది ||పెరుగు సుజనరాం||




అప్పుడు నేను ఎనిమిదేళ్ళ చిన్నపిల్లని
ఓ తొలకరిలో
మబ్బులు కమ్మిన ఆకాశం
కారు చీకట్లు కమ్మని సాయంత్రం
పెళ పెళ మంటున్న ఉరుముల సడి
భయంతో అమ్మ కొంగు చాటున ఒదిగి
అర్జున,పల్గున అనుకుంటుంటే ,,,.......
మంచు రాళ్ళ వానోస్తోందీ
రా చెల్లీ ఆడుకుందాం అక్క పిలుపు
భయాలన్నీ మాయం
అమ్మ చెప్తున్న వడగండ్ల వాన ఇదే
అనుకుంటూ తూనీగలా
ఎగిరిన జ్ఞాపకం

మళ్ళీ ఇన్నాళ్ళకు
నాలుగు పదుల వయస్సులో
ఐస్ ముక్కల వానోస్తోంది అంటున్న
నా స్టూడెంట్స్ తో కలిసి
వదగండ్లను వేరుకోవటం
ప్రకృతి ప్రేమను అందుకోటం కై
మళ్ళీ నేను నా బాల్యం లోకి వెళ్ళాను