వచ్చెను వచ్చెను వర్షము వచ్చెను
హర్షము తెచ్చెను కాదా
కర్శకులంతా సాగిలి మొక్కగ
వరుణ దేవునికి బాగా
వాన దేవుడా వాన దేవుడా
వానల్లు కురవాలి దేవుడా //వచ్చెను//
అకాశంలో మబ్బులు నిండెను
ఆషాఢం ఇది కాదా
తళతళ లాడుచు మెరుపులు మెరిసెను
ఉరుములు ఫెళ ఫెళ లాడా
నింగీ నేలా కలిసి పోయెనూ.......
నింగీనేలా కలిసి పోయెను
చినుకులు వంతెన కాగా
వాగులు వంకలు పొంగెను పొరలేను
వరదలు వెల్లువ కాగా //వచ్చెను//
నవ నవ లాడెను చెట్లూ చేమలు
నయనానందము కాగా
జవసత్వాలను పుంజుకొన్నవీ
జగతికి జీవము రాగా
హాలిక హృదయం పొంగిపోయెనూ......
హాలిక హృదయం పొంగిపోయెను
వర్షము వరమై రాగా
హలధరుడై ఫలసాయము దీయగ
పొలమునుజేరేను వేగ //వచ్చెను//
పాడుకోవాలనుకునేవాళ్లు హమ్ ఆప్కే హై కౌన్ సినిమాలో ' మాయిని మాయిని 'స్టయిల్ లో పాడుకోవచ్చు.
|