పలచగా చినుకులు
తడిపొడిగా పడుతూ
పైగుడ్డ కూడా
తడిసేలా లేదు
-----------------------
దబాటు వాన
కర్షకుల కళ్ళల్లో
కొత్త పైర్ల కళ కళ
-----------------------
జడివాన
వరి పొలంలోకి
పారేనానీరు--?
సదసత్ సంశయం
-----------------------
ఉదయాన్నే
అదేపనిగా పడుతున్న వాన
చీకటి పడి ఒచ్చిన చుట్టంలా
ఎక్కడికీ పోదు.
-----------------------
తెల్లారేదాకా
ఇల్లంతా జల కళవుతుందేమోనని
అడుగడుగునా ప్రళయ భయం
గుండెంతా తహతహ.
-----------------------
ఎడతెరిపిలేకుండా
జబురుతున్న వర్షం
ఆకాశానికి
కళ్లనతికించి రైతాంగం
-----------------------
అరేబియా సంద్రంలో
అల్ప పీడన ద్రోణి
కకావికలౌతూ
కర్షక ప్రపంచం
-----------------------
----Purushothamaro Ravela
No comments:
Post a Comment