ఇంకొంత సమయం పడుతుందేమో
ఈ ముసురు ఆగిపోవడానికి
మరీ చిని చిన్ని చినుకులు
వాటికో వ్యాకరణ సూత్రమేదో ఉన్నట్టు
వొకటివెంట ఒకటి కుదురుగా
నిన్నటి సాయంత్రం నుండి ఇవాల్టి ఉదయం లోపల
ఎన్ని పరిణామాలు జరిగిపోలేదూ
అవేమీ పట్టనట్లు ప్రవర్తిస్తుందీ ముసురు
ఎవర్నీ వో మాటా అనదు
అసలు నోరే విప్పదు
దానిది చినుకుభాష
వొక గొడుగునో, పైకప్పునో , లేకపోతే వొక రెయిన్ కోటునో
మనమీద కప్పుకుంటాం అడ్డంగా
ఈ ముసురు చేసే సంభాషణలో
ఒక్క ముక్కా అర్థం కాదు.
---------------------------------------------31.7.2013
బ్యూటి ఫుల్......
ReplyDeleteTHANK YOU
Delete"ఈ ముసురు చేసే సంభాషణలో
ReplyDeleteఒక్క ముక్కా అర్థం కాదు."
...
నాకు బాగా నచ్చింది. యాకూబ్ కి అభినందనలు...
thank you
Delete