వర్షం

Santhosh V Abraham (కవిత) 
- వి. సంతోష్ - 16 మే 2014

*

అస్తమించే సూర్యుని 
అనుకరిస్తూ పోటి పడుతూ 
అందమైన ప్రకృతి ఒడిలోకి పడే
చినుకుల చిలిపి ఆటే వర్షం

* 

మేఘ దేశానికి 
మంచి ప్రతినిధులై 
మట్టి దేశ కార్యాలయానికి 
పయనించే చినుకుల ఆశే వర్షం

* 

స్రవంతులై స్రవించి 
మహా మట్టి సంద్రంలో 
కలవడానికి ఉనికిని కోల్పోవడానికి 
చినుకులు పడే ఆరాటమే వర్షం

* 

వీస్తున్న గాలి సందేశాన్ని 
సున్నితంగ త్రోసివేసి 
నేల కొండల మీద చినుకులు
చేసుకొనే ఆత్మహత్యే వర్షం

* 

ఇంట్లో కూర్చున్న నన్ను 
వరండాలోకి రప్పించి 
వీక్షకునిగా మార్చే చినుకుల 
అద్భుత మాయాజాలమే వర్షం